Díli, 21 Novembru 2025 – CEO hosi Banku Komersiál sira ne’ebé hala’o servisu iha Timor-Leste realiza reuniaun hodi diskute konaba kriasaun Banking Assosiation of Timor-Leste. Inisiativa ida ne’e konsidera fundamentál ba fortalesimentu setór finanseiru nasionál.

 

Asosiasaun banku ida ne’e pretende reforsa koordenasaun entre instituisaun bankárias, promove inkluzaun finanseira, impulsiona inovasaun dijitál no kontribui ba estabilidade no transparénsia Sistema finanseiru iha Timor-Leste.

 

Reuniaun ida ne’e marka pasu importante ba aliñamentu estratéjiku entre banku no ba dezenvolvimentu polítika komun ne’ebé sei fó benefisiu ba kliente no merkadu iha Timor-Leste.

 

Enkontru ne’e partisipa hosi banku sira hanesan BNCTL, Banco do Nosso Futuro (BNF), BNU, BRI, ANZ no Mandiri.