21 Novembru 2025 — Prezidente Komisaun Ezekutivu Banku Nasional Komersiu Timor-Leste (BNCTL), Sr. Marcelo da Cruz Carvalho, hamutuk ho Ekipa realiza vizita espesiál ba empreza ETO Group hodi hasoru malu direta ho Diretór Ezekutivu, Sr. Nilton Gusmão dos Santos, iha loron Kinta-feira ne’e.

 

Vizita ida ne’e hodi haree direta progresu no atividade investimentu ne’ebé ETO Group hala’o ho objetivu hodi haree alkansu, espesialmente iha área investimentu kafe, tekstil no área seluk tan ne’ebé ETO Group dezenvolve.

 

“BNCTL kontinua fó prioridade ba kolaborasaun estratéjiku ho emprezáriu Timoroan sira hodi impulsiona kresimentu ekonomia nasionál liu husi investimentu iha setór produtivu sira iha Timor-Leste.” – Sr. Marcelo da Cruz Carvalho – Prezidente Komisaun Ezekutivu BNCTL.

 

Diretór Ezekutivu ETO Group, Sr. Nilton Gusmão dos Santos, agradece ba vizita espesiál husi BNCTL no reafirma kompromisu hodi kontinua investe ba setór produtivu sira seluk liu husi parsería forte entre ETO Group no BNCTL.