Banco Nacional de Comércio de Timor-Leste (BNCTL), S.A, reprezenta hosi Prezidente Komisaun Ezekutiva, Sr. Marcelo da Cruz Carvalho, Sesta-Feira, 27 Juñu ne’e realiza asintura memorandum entendimentu ho Hospital Nacional Guido Valadares (HNGV), reprezenta hosi Diretór Ezekutivu no PCD HNGV, dr. Nuno Vital Soares, iha ámbitu selebrasaun aniversáriu HNGV ba da-XXII.

 

Akordu ne’e ho objetivu atu lori servisu finanseiru besik liu ba kliente sira iha HNGV, liu-liu atendimentu bankária, tantu iha depózitu no reseitas.

 

Asinatura akordu ne’e hetan partisipasaun hosi Sua Excia. Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitaria, Sr. Mariano Assanami Sabino, Sua Excia. Ministra Saúde, Elia dos Reis Amaral, deputadus, membru governus, funsionarius no konvidadus.