Ekipa Banco Nacional de Comércio de Timor-Leste (BNCTL), S.A, reprezenta hosi Divizaun Planu Negósiu no Komersializasaun (PNK) hamutuk ho reprezentante sukursál Díli, iha loron 17 Juñu, realiza abertura konta ba formandu hosi ETDA ne’ebé tuir planu sei desloka ba servisu iha Portugal.

 

Alein halo abertura ba konta, formandu sira mós husu informasaun kona-ba oinsa bele asesu ba apoiu finanseiru hanesan kréditu atu bele fasilita sira nia viajen ba nasaun refere. Hatan ba kestaun ne’e, ekipa BNCTL informa, banku iha kumprimisu tomak hodi apoiu liuhosi produtu no servisu banku nian.

 

Durante ne’e, ETDA oferese formasaun iha áreas téknikas oioin ho objetivu prepara traballadór/formandu sira tuir ezijensia merkadu, tantu iha nível nasional no internasional.