Sistema Garantia Kreditu (SGK)
Sistema Garantia Kreditu (SGK) hanesan programa nebe intrúduz husi Governu Timor Leste liu husi Banco Central de Timor Leste (BCTL) hodi koloka orsamentu US$4,000,000.00 hodi kobre risku kreditu nebe akontese.
Banco Nacional de Comercio de Timor Leste (BNCTL) hanesan uniku banku komersio Governu Timor Leste nebe partisipa iha programa refere hodi bele ajuda negosio kiik no mediu sira liu husi linha emprestimu ho tipu kapital servisu no investimentu.
Objetivu husi Programa SGK hodi fo apoio dezenvolvimentu ba empreza Kiik no Mediu sira iha seitor produtivu no aktividade ekonomia nebe elizivel.
BNCTL hahu halao ona atendementu program Sistema Garantia Kreditu iha fulan Jullu 2019 ho nia termus no kondisoes mak hanesan tuir mai neé :
- Maximu montante emprestimu US$150,000.00
- Juru emprestimu 7.50%
- Kustu Administrasaun 2.50%
- Kustu seluk-seluk nebe vigor no kompetitivu.
Atu hetan informasaun klaru kona rekezitus no programa Sistema Garantia Kreditu (SGK) refere bele visita ami nia Sukursais nebe besik ita boot sira nia knua hela fatin.